Министерот за здравство, Беким Сали се сретна со амбасадорот на Албанија, Н.Е. Фатос Река, на која стана збор за зајакнување на регионалната соработка во јавното здравство, имплементирање на глобалните и европски политики, како и имплементирање на целите за одржлив развој на ОН. На средбата беше договорено натамошно продлабочување на соработката во повеќе сегменти на здравствениот систем, меѓусебна размена на искуства и следење на современите трендови во медицината.
Исто така, министерот Сали оствари средба и со заменик – амбасадорот на САД, Ерик Мејер на која беше изразена благодарност за континуираниот придонес во зајакнување на нашиот здравствен систем, како и за несебичната помош и поддршка од самиот почеток на кризата.
– Вкупната помош на американската Влада е над девет милиони американски долари за одговор на нашата држава во справувањето со ковид пандемијата, преку поддршка и зајакнување на лабораторијата во ИЈЗ, реконструкција на здравствени установи, како и средства со кои УСАИД ќе ја поддржи СЗО за континуирано зајакнување на капацитетот за подготвеност и одговор за итни случаи на здравствениот систем за време на пандемијата со цел обезбедување поголема покриеност и безбедна испорака на вакцините против Ковид. Денешната средба, како што посочува, е во насока на дополнително зајакнување и уште еден чекор напред во унапредување на нашиот здравствен систем.
