МОМЧЕТО КОЕ ВЧЕРА СЕ ЗДОБИ СО ИЗГОРЕНИЦИ ОД СТРУЕН УДАР Е ИСПРАТЕНО НА ЛЕКУВАЊЕ ВО НАЈГОЛЕМИОТ ЦЕНТАР ЗА ИЗГОРЕНИЦИ НА БАЛКАНОТ, ВО БОЛНИЦАТА ПИРОГОВ ВО СОФИЈА, РЕПУБЛИКА БУГАРИЈА

Министерството за здравство информира дека момчето кое вчера се здоби со изгореници од струен удар е испратено на лекување во најголемиот центар за изгореници на Балканот. Станува збор за болницата Пирогов во Софија, која има и специјален оддел за детски изгореници. Обезбедено е санитетско возило од брзата помош и тргнати се во болницата Пирогов.

Голема благодарност до колегите во Софија кои веднаш обезбедија место за понатамошно лекување на детето и му посакуваме побрзо опоравување.

Министерството за здравство на Република Северна Македонија и Министерството за здравство на Република Бугарија во месец јануари 2019 година потпишаа Меморандум за соработка. Нашата држава има одлична соработка со болниците во Бугарија.

Share This Article :

Related Posts