ПРОМЕНИТЕ ВО КОМИСИЈАТА ЗА ЗАРАЗНИ БОЛЕСТИ ЌЕ БИДАТ ВО НАСОКА НА ПРОШИРУВАЊЕ НА НЕЈЗИНИОТ СОСТАВ СО НОВИ ПРОФЕСИОНАЛНИ КАДРИ

Промените во Комисијата за заразни болести ќе бидат во насока на проширување и дополнување на нејзиниот состав, со нови, професионални кадри од повеќе области. Во тек се дискусиите, а во таа насока денеска имав состанок со претседателот и секретарот на Комисијата, посочи министерот за здравство д-р Беким Сали.

Професионалното работење на Комисијата за заразни болести е од најголема важност, а одговорот кон потребите на граѓаните врвен приоритет.

– Апсолутно го разбирам интересот на јавноста за натамошните чекори поврзани со составот на ова тело, бидејќи околностите бараат засилено и координирано дејствување врз основа на стручни и реалистични проценки. Во оваа Комисија веќе има доста искусни професионалци во своите области, а натамошните чекори ќе подразбираат надградба, усовршување и професионализација. Целта на овие мерки е секако намалување на бројот на заразени лица, како и воопшто заштита на јавното здравје, во најдобар интерес на граѓаните, посочува министерот Сали.

Сподели на:

Related Posts