Shërbimi për punë të përbashkëta dhe të përgjithshme në Qendrën Klinike dhe Inspektorati Shtetëror Sanitar dhe Shëndetësor sot organizojnë aksion të përbashkët për të pastruar hapësirën në kompleksin e klinikave “Nënë Tereza” në Shkup. Aksioni është realizuar me mbështetjen e ndërmarrjeve publike të Qytetit të Shkupit, “Parkingu i qytetit”, “Higjiena komubale”, “Parqe dhe gjelbërim” dhe deponia “Drislla”. Drejtoresha e Shërbimeve të Përbashkëta, Shkodrane Dardhishta informoi se aksioni ka filluar në orën 8 të mëngjesit dhe mbulon hapësirën në mes të të gjitha klinikave, në mbledhjen e mbeturinave, pastrimin e rrugëve, rregullimin e gjelbërimit dhe pastrohen edhe hapësirat e pritjes, korridoret dhe ashensorët në klinika. Inspektorati Shtetëror Sanitar dhe Shëndetësor dezinfekton depot ku mblidhen mbeturinat komunale dhe mjekësore.
