NGA E ENJTJA DERI TË DIELËN – NË GJITHË VENDIN FAZA E PORTOKALLTË

Në bazë të informacioneve të meteo-alarmit të Drejtorisë për Çështje Hidrometeorologjike, në katër ditët e ardhshme – nga e enjtja e deri të dielën (21-24.07.2022), territori i gjithë vendit do të përfshihet nga temperatura të larta të fazës së portokalltë dhe në këtë periudhë do të vlejnë rekomandimet për uljen e rrezikut nga temperaturat e larta, kjo në pajtim me planin aksionar të Ministrisë së Shëndetësisë për parandalimin e pasojave të valëve të të nxehtit ndaj shëndetit të popullatës.

Në këtë periudhë, duke filluar nga e enjtja (21.07), të gjitha regjionet e vendit –i Shkupit, i Osogovës-Maleshevës, i Pellagonisë dhe i Ohrit-Prespës – do të hyjnë në fazën e portokalltë, me ç’rast gjendja e valës së të nxehtit fillon të vlejë në gjithë territorin e Republikës.Andaj, me qëllim që të mbrohet shëndeti i popullatës, Ministria e Shëndetësisë i jep këto rekomandime:

1. Lirimi nga detyrimet e punës për grupet më të lëndueshme të popullatës, siç janë gratë shtatzëna dhe personat me sëmundje kronike.

2. Në institucionet e kujdesit të fëmijëve (çerdhe) të mos zhvillohet aktivitet fizik dhe fëmijët të mos nxirren në hapësirë të hapur në periudhën nga ora 11 deri në orën 17.

3. Njësitë e vetëqeverisjes lokale, Kryqi i Kuq dhe qendrat e punës sociale në regjionet e përfshira nga vala e të nxehtit të ofrojnë ndihmë për personat e moshuar, të pafuqishëm dhe për të pastrehët.

4. Duke e pasur parasysh faktin se disa procese të rrezikshme prodhuese dhe teknologjike mund të shkaktojnë rrezik shtesë ndaj shëndetit të punëtorëve të ekspozuar, punëdhënësve u tërhiqet vërejtja për respektimin e dispozitave ligjore të kësaj fushe.  

Rikujtojmë se popullata në periudhën verore duhet t’i respektojë masat e përgjithshme për mbrojtje të shëndetit, siç janë:

– Gjatë ditëve ekstremisht të nxehta të qëndrojë në hapësira të mbyllura(me kondicioner), ndërsa nëse gjatë kësaj periudhe është e detyruar të qëndrojë në hapësirë të hapur, të gjendet mundësi për pushime më të shpeshta nën hije. 

– Të mbahet veshje e lehtë dhe me ngjyrë te çelët, ndërsa në rast të ekspozimit të drejtpërdrejtë në diell, mbani syze mbrojtëse, e në rast të rrezitjes, të përdoret krem me faktor të lartë të mbrojtjes.

– Të konsumohet më pak ushqim, rëndom pemë dhe perime, si dhemë pak ushqim të yndyrshëm.

           – Të merren sasi më të mëdha të lëngjeve, më së miri ujë i thjeshtë i pijshëm, si dhe të evitohen pijet alkoolike.

– Të ajroset makina para se të ngjitemi në të.

– Personat me sëmundje kronike ta marrin me rregull terapinë e përcaktuar në konsultim me mjekët familjarë. 

Për shkak të temperaturave të larta dhe mundësisë së rritur për helmim me ushqim dhe sëmundje infektuese të zorrëve, rekomandohet: larja e perimeve dhe pemëve të freskëta para konsumimit; përgatitja termike e ushqimit dhe konsumimi i tij sa më shpejt pas gatimit, si dhe evitimi i prodhimeve të papërpunuara termike.

Сподели на:

Related Posts