PREJ DITËS SË SOTME NË VENDIN TONË DY PROJEKTE SHUMË TË RËNDËSISHME NË LUFTËN KUNDËR VIRUSIT KORONA

Një nga vendet ku do të zbatohen dy projekte kryesore ndërkombëtare për të luftuar koronavirusin.
Përkatësisht sot Organizata Botërore e Shëndetèsis ka konfirmuar pjesëmarrjen e vendit tonë në programin “Solidariteti”, i cili është një studim i madh, ndërkombëtar, i krijuar për të siguruar të dhëna për trajtimin më efektiv të pacientëve me COVID-19. Qëllimi i studimit është të përcaktojë efikasitetin e 5 opsioneve terapeutike për të trajtuar pacientët me COVID 19 brenda protokolleve të përcaktuara.
Eshtë një program multiqendror që ka përfshirë vende nga e gjithë bota deri më tani: Argjentina, Bahreini, Kanada, Franca, Irani, Norvegjia, Afrika e Jugut, Spanja, Zvicra dhe Tajlanda.
Ministria e Shëndetësisë është në koordinim të vazhdueshëm me zyrën e OBSH në vendin tonë, e cila duhet të sigurojë mbështetje teknike dhe eksperte për realizimin e studimit në përputhje me kushtet dhe kriteret.
Për më tepër, një program trajnimi online “COVID 19 Training Response” për profesionistë të kujdesit shëndetësor është nisur sot në Ministrinë e Shëndetësisë. Trajnimi u zhvillua nga Project HOPE në bashkëpunim me Universitetin Brown në Shtetet e Bashkuara dhe bazohet në rekomandimet e OBSH-së për trajtimin e përhapjes së sëmundjes dhe mbrojtjen e profesionistëve të shëndetit, dhe aktualisht vendi ynë është ndër vendet e para në Evropë ku fillon programi.
Duke pasur parasysh faktin se shumë profesionistë shëndetësorë në të gjithë botën vuajnë nga COVID-19, në trajnim do të marrin pjesë profesionistë shëndetësorë, me qëllim kryesor trajnimin e stafit mjekësor para së gjithash për të mbrojtur veten e tyre dhe kështu të jenë në gjendje të ofrojnë kujdes I cili eshte i duhur në fushën e parandalimit dhe shpërndarjes së sëmundjeve, kontrollin e situatës, stabilizimin e pacientëve, diagnostikimin dhe menaxhimin e situatës, depistimin dhe trajtimin, sidhe vlerësimin e aftësive të sistemit shëndetësor dhe zhvillimin e tij.
Në Qendrën tonë Klinike, në trajnime do të marrin pjesë 20 mjekë dhe 20 infermierë, të cilët do të transferojnë njohuritë e marra nga ekspertë nga Sh.B.A dhe Universiteti me kolegët e tyre, jo vetëm në institucionet në Shkup, por edhe në të gjithë shtetin, në të gjitha Institucionet e Shëndetit Publik gjithkund ku ka staf që mund të vije në kontakt me pacientët me KOVID-19.

Share This Article :

Related Posts