ВТОР ДЕН МИНИСТЕРСКИ ФОРУМ ВО ПОДГОРИЦА-ПОТПИШАНО ПИСМО ЗА НАМЕРИ ЗА ВАЖНОСТА НА ИМУНИЗАЦИЈАТА

На дводневниот министерски форум на земјите од ЈИЕ во Подгорица, на кој учествува министерот за здравство, д-р Венко Филипче денеска е потпишано писмо за намери, во кој се потенцира важноста на имунизацијата, како приоритет на земјите членки од ЈИЕ и претставува значајна здравствена, социјална и економска вредност. Писмото за намери го потпишаа 12 земји членки од ЈИЕ, меѓу кои Македонија, Бугарија, Хрватска, Малта, Босна, Србија и други, каде се потенцира дека процесот на имунизација е интегрален дел од добриот и функционален здравствен систем и е во согласност со Акцискиот план за вакцини во Европа 2015-2020, како и Програмата на СЗО 2020.


Согласно Акцискиот план, приоритетни области во кои ќе се делува со повеќе предлог-активности, кои ќе бидат насочени кон:
-набавка на квалитетни вакцини
-ефикасна контрола врз процесот на имунизација
-пристапност до вакцините, посебно за мигранти и малцинства
-континуирана промоција на бенефитите од вакцинацијата.

Во рамки на фoрумот, министерот Филипче, вчера, оствари работни средби со д-р Сузана Јакаб, регионален директор на СЗО за Европа, како и со министерот за здравство на Црна Гора, Кенан Храповиќ.

Share This Article :

Related Posts