Modeli i ri i referimit synon të mundësojë përdorimin optimal dhe efikas të kapaciteteve shëndetësore në të gjitha nivelet e sistemit gjatë referimit të personave të siguruar për shërbime shëndetësore specialistike–konsultative dhe spitalore. Me modelin e ri të referimit, personi i siguruar do të mund të përdorë shërbime shëndetësore në mbrojtjen shëndetësore specialistike–konsultative me një referim nga mjeku i zgjedhur, ndërsa për kujdesin spitalor, për shërbimet subspecialistike dhe për trajtim në Klinikët Universitare në Shkup me referim nga mjeku specialist/subspecialist.
Modeli i ri i referimit do të mundësojë zvogëlimin e efekteve të padëshiruara nga modeli i mëparshëm i referimit siç janë: mbingarkesa e Klinikave Universitare, rritja e shpenzimeve për të siguruarit, shpenzimet për sistemin shëndetësor, dhe mosshfrytëzimi i kapaciteteve ekzistuese.
Scroll to top section