Klekovski në Berlin: Zgjerimi i bashkëpunimit me kompanitë gjermane në fushën e shëndetësisë
Në kuadër të vizitës së punës në Republikën Federale të Gjermanisë, ministri i Shëndetësisë, Sašo Klekovski, u takua në Berlin me përfaqësues të Aleancës Gjermane të Shëndetësisë (GHA), Komitetit Lindor të Ekonomisë Gjermane (Ost-Ausschuss) dhe Dhomës Gjermane të Industrisë dhe Tregtisë (DIHK).
· Zgjerimi i bashkëpunimit me kompanitë gjermane në fushën e shëndetësisë përbën një mundësi të mirë për avancimin e sistemit shëndetësor në aspektin e edukimit, rrjetëzimit dhe krijimit të partneriteteve, me qëllim të forcimit të kapaciteteve të shëndetësisë publike. Njëkohësisht, përvojat gjermane janë veçanërisht të rëndësishme për tejkalimin e sfidave të shëndetit publik, theksoi ministri Klekovski gjatë takimit.
Ministri Klekovski shprehu mirënjohjen e tij ndaj Roland Gedes, kryetar i Bordit Drejtues të GHA-së, si dhe ndaj përfaqësuesve të organizatave të tjera, për takimin produktiv dhe bashkëpunimin e suksesshëm deri më tani me vendin tonë.