Ministria e Shëndetësisë ruan një bashkëpunim bilateral shumëvjeçar dhe të suksesshëm me Republikën e Kroacisë në fushën e shëndetësisë.
Në drejtim të avancimit dhe thellimit të mëtejmë të këtij bashkëpunimi, ministri i Shëndetësisë, Azir Aliu, sot realizoi një takim me ambasadoren e Republikës së Kroacisë në Maqedoninë e Veriut, Sh.S. Nives Tiganj.
Gjatë takimit u diskutua për mundësitë e shkëmbimit të përvojave dhe praktikave të mira ndërmjet dy vendeve, veçanërisht në fushën e reformave në sistemin shëndetësor, digjitalizimin dhe menaxhimin e burimeve njerëzore.
Të dyja palët shprehën gatishmëri për thellimin e bashkëpunimit institucional dhe realizimin e mëtejshëm të iniciativave të përbashkëta.
