Министерот за здравство Азир Алиу, заедно со премиерот Христијан Мицкоски, денес ја посети Универзитетската клиника за детски болести по повод финализацијата на 11 важни инфраструктурни и медицински проекти.
Посетата се реализираше во присуство на в.д. директорот на клиниката, д-р спец. Реџеп Мемеди, кои ги претстави реализираните проекти и подобрувањата во условите за згрижување и лекување на деца.
Инфраструктура, технологија и стручен кадар – тоа се трите столба врз кои ќе го градиме модерното македонско здравство. Детската клиника е пример за тој пристап, истакна министерот Алиу.
Во тек е реализација на нови вработувања – административен кадар, медицински сестри, лаборанти, биолози. Веќе се вработени четворица специјализанти, дел од првата група пријавени на јавниот оглас за приватни специјализации. Наскоро следува и нов оглас за тројца нови лекари.
Овие мерки се дел од заложбата за подобра грижа за најмладите пациенти. Првпат се воведуваат нови процедури и опрема: хемодијализа и ултразвучна цистографија на одделот за нефрологија и стрес-тест апарат за кардиологија.
