Ministria e Shëndetësisë informon opinionin publik se, sipas parashikimit më të fundit nga Drejtoria për Punë Hidrometeorologjike (DPHM), vala e të nxehtit me temperatura mbi 40°C do të vazhdojë deri më 26 korrik 2025.
Duke e pasur parasysh efektin kumulativ të ekspozimit të zgjatur ndaj temperaturave të larta mbi shëndetin e kategorive të ndjeshme të popullsisë, Qeveria e Republikës së Maqedonisë së Veriut, me propozim të Ministrisë së Shëndetësisë, ka miratuar rekomandime shtesë për punëdhënësit, të cilat do të jenë në fuqi gjatë periudhës nga 23 deri më 26 korrik 2025:
- Rekomandohet lirimi nga detyrimet e punës për gratë shtatzëna dhe personat mbi 60 vjeç.
- Kur është e mundur, të mundësohet punë në distancë, orar fleksibil ose orar i ndarë në dy ndërrime.
- Këto rekomandime nuk vlejnë për të punësuarit në infrastrukturën kritike, siç janë: shëndetësia, policia, ushtria, transporti, energjetika dhe ndërmarrjet publike komunale.
Shtesë, Qeveria rikujton masat tashmë në fuqi nga plani i veprimit:
• Shtyrja e procesit të punës nga ora 11:00 deri në 17:00 për punëtorët që janë të ekspozuar ndaj të nxehtit të drejtpërdrejtë.
• Detyrimi për të siguruar kushte mikroklimatike për punë – hapësira pune me temperaturë deri në 25°C, përveç atyre rasteve kur natyra e punës nuk lejon ndryshe.
• Informim i vazhdueshëm i publikut përmes institucioneve.
• Aktivizimi i protokolleve të brendshme për punë në kushte të jashtëzakonshme në të gjitha institucionet shëndetësore, shtëpitë për të moshuar dhe institucionet arsimore.
Të gjitha institucionet e tjera të përfshira në Planin e Veprimit bëhen thirrje të vazhdojnë me zbatimin e detyrimeve dhe aktiviteteve të tyre. Njëkohësisht, Ministria e Shëndetësisë apelon te popullata që të respektojë rekomandimet ekzistuese për vetëmbrojtje:
• Qëndroni në ambiente të freskuara, veçanërisht nga ora 11:00 deri në 17:00.
• Konsumoni mjaftueshëm lëngje, duke shmangur alkoolin dhe pijet e ëmbla.
• Vishni rroba të lehta dhe me ngjyrë të çelët, përdorni mbrojtje për kokën dhe sytë.
• Shmangni aktivitetin fizik gjatë orëve më të nxehta të ditës.
• Kushtoni vëmendje fëmijëve, të moshuarve, personave me sëmundje kronike dhe grave shtatzëna – ata janë veçanërisht të ndjeshëm.
• Nëse ndjeni simptoma si marramendje, dhimbje koke, të përziera ose rrahje të shpejta të zemrës – kërkoni menjëherë ndihmë mjekësore.
• Shtyjini aktivitetet në ambiente të hapura përtej orëve kritike të ditës.
• Siguroni ambiente të freskuara (deri në 25°C) në vendin e punës dhe në shtëpi.
Ministria e Shëndetësisë vazhdon me monitorimin ditor të situatës dhe do të veprojë në përputhje me vlerësimet dhe nevojat.