Ministri i Shëndetësisë, dr Bekim Sali, sot u takua me një grup mjekësh të rinj dhe studentë të mjekësisë. Në takim u bë fjalë për rëndësinë e shëndetit publik dhe krijimin e mundësive dhe hapësirës për zotërimin e aftësive të duhura në drejtim të zgjidhjes së sfidave të shëndetit publik.Në kuadër të takimit ministri theksoi se përmes projekteve dhe aktiviteteve konkrete, ne punojmë në avancimin e statusit të mjekëve të rinj dhe studentëve të mjekësisë në sferën medicinale, si dhe në kryerjen e veprimtarive dhe aktiviteteve për ngritjen e vetëdijes publike.
