Fillon karvani i vaksinimit kundër COVID-19-në disa komuna të vendit – Vaksinimi është masa më efektive për ta mbrojtur shëndetin.
Ministria e Shëndetësisë, me mbështetje të Organizatës Botërore të Shëndetësisë, USAID-it dhe UNICEF-it, nga e hëna (21 mars) fillon me karvanin për vaksinim kundër COVID-19 , i cili do t’i mbulojë 14 bashkësi lokale në të gjithë vendin. Në secilin prej këtyre vendeve, sipas orarit, qytetarët do të kenë mundësi të vaksinohen dhe të informohen për përfitimet e imunizimit kundër COVID-19. Gjithashtu, në këto lokacione qytetarët që janë vaksinuar jashtë vendit do të kenë mundësi të regjistrohen në sistemin Termini im.
Duke pasur parasysh se popullata e pavaksinuar ka rrezik më të lartë vdekjeje nga COVID-19, krahasuar me të vaksinuarit, kjo do të thotë se një pjesë e madhe e popullsisë mbetet e pambrojtur. Vendimi për vaksinim nuk duhet të prolongohet. Vaksinimi është mënyrë më e sigurt për ta mbrojtur shëndetin sesa infeksioni me virusin, i cili mund të jetë fatal dhe doza përforcuese (booster) ofron mbrojtje të vazhdueshme dhe maksimale.
Krahas aktiviteteve të karvanit të vaksinimit, i cili do të realizohet në dy javët e ardhshme dhe do të përfshijë 14 bashkësi lokale, qytetarët kanë mundësi të vaksinohen çdo ditë në qendrat shëndetësore në vend.
Në të vërtetë, të dhënat statistikore tregojnë se po ulet kufiri i moshës së të infektuarve me virusin korona, tek të cilët shfaqet pasqyra e rëndë klinike e sëmundjes. Mes rasteve të fundit të evidentuara të të hospitalizuarve dhe rasteve të vdekjes, të shkaktuara nga komplikimet e COVID-19, në vendin tonë ka gjithnjë e më shumë të rinj të cilët janë të parët me rrezik më të madh gjatë valës së katër të pandemisë, kështu që me këtë karvan synohet ta sjellim më afër mundësinë e vaksinimit për të gjitha kategoritë e qytetarëve, që nuk janë vaksinuar deri më tani.
Vaksinat që përdoren janë të sigurta dhe të mbrojtura dhe qendrat shëndetësore disponojnë sasi të mjaftueshme të vaksinave.
Vaksinimi mbetet mbrojtja më efikase nga sëmundjet, zhvillimi i formave të rënda të sëmundjes, hospitalizimi dhe vdekja, kurse imuniteti kolektiv është mënyra e vetme për ta mundur pandeminë.
Më poshtë është orari me vendndodhjet e përfshira në karvanin e organizuar:
21 mars nga ora 11.00 deri më 15.00 – Shuto Orizare, qendër
22 mars nga ora 12.00 deri më 16.00 – Kratovë, qendër
23 mars nga ora 12.00 deri më 16.00 – Radovish, qendër
24 mars nga ora 12.00 deri më 16.00 – Strumicë, qendër
25 mars nga ora 12.00 deri më 16.00 – Novo Sellë (Strumicë), te tregu
26 mars nga ora 11.00 deri më 15.00 – para “East Gate Mall” në Shkup
27 mars nga ora 11.00 deri më 15.00 – Kumanovë, qendër
28 mars nga ora 12.00 deri më 16.00 – Likovë, parkingu në fshatin Mateç
29 mars nga ora 12.00 deri më 16.00 – Haraçinë, te posta
30 mars nga ora 12.00 deri më 16.00 – Çuçer-Sandevë, në IPK “Shtëpia e Partizanëve” në fshatin Sandevë
31 mars nga ora 12.00 deri më 16.00 – Zelenikovë, në oborrin e SHF “Marko Cepenkov”
1 prill nga ora 12.00 deri më 16.00 – Vrapçisht, Shtëpia e Kulturës në fshatin Negotinë
2 prill nga ora 11.00 deri më 15.00 – Kërçovë, Shtëpia e Kulturës
3 prill nga ora 11.00 deri më 15.00 – Strugë, Shëtitorja e Re
