MINISTRI SALI NË FORUM NË TIRANË KUSHTUAR SHËNDETIT DHE MIRËQENIES SË TË RINJVE NGA BALLKANI PERËNDIMOR
Ministri i Shëndetësisë, Dr. Bekim Sali, mori pjesë në forumin kushtuar shëndetit dhe mirëqenies së të rinjve nga vendet e Ballkanit Perëndimor, i cili u zhvillua në Tiranë, Shqipëri organizuar nga Zyra Rajonale e OBSH-së për Evropë dhe zyra përfaqësuese e UNFPA-së, si dhe organizata rinore nga vendi.
– Pandemia e COVID-19 na ka treguar se të rinjtë janë partnerët tanë në mbrojtjen e shëndetit, ndërsa ndër temat kryesore aty ishte angazhimi i të rinjve dhe vendimmarrësve në çështje nga fusha e shëndetësisë, qasja në shërbimet shëndetësore, shëndeti seksual dhe riprodhues, pabarazitë sociale, si dhe kujdesi ndaj shëndetit mendor.
Studimet tregojnë se ndikimi i Covid-19 në shëndetin mendor të adoleshentëve është alarmant dhe 30 për qind e tyre kanë simptoma mesatare serioze deri në të rënda të depresionit. Organizatat rinore kanë një rol të rëndësishëm në ofrimin e mbështetjes dhe këshillimit për shëndetin mendor tek popullata e re, theksoi ministri Bekim Sali në fjalimin e tij në forum.
Në margjinat e Forumit, Ministri Sali pati takim bilateral me ministren e Shëndetësisë dhe Mbrojtjes Sociale të Shqipërisë, dr. Ogerta Manastirliu,
Në prag të takimeve ndërqeveritare të Republikës së Maqedonisë së Veriut dhe Republikës së Shqipërisë. Në takim u theksua nevoja për ndryshime në Marrëveshjen ndërmjet shteteve në fushën e shkencave mjekësore, në fushën e digjitalizimit, farmacisë, shkëmbimit të përvojave mes mjekëve dhe bashkëpunimit mes dhomave të të dyja vendeve.
