Për shkak të temperaturave të larta që këto ditë kanë përfshirë territorin e vendit, Ministria e Shëndetësisë apelon qytetarët që të respektojnë rekomandimet e përgjithshme për mbrojtjen e shëndetit:
– Gjatë ditëve jashtëzakonisht të nxehta, të qëndrohet më shumë në dhoma të mbyllura (kryesisht me ajër të kondicionuar), dhe nëse është e nevojshme të qëndrohet në një hapësirë të hapur gjatë kësaj periudhe, të gjendet mundësi për pushime më të shpeshta në hije.
– Të vishen rroba me ngjyrë të hapur dhe të lehta, dhe në rast ekspozimi të drejtpërdrejtë në diell, syze mbrojtëse dhe kapele. Për rrezitje, përdorni një krem me faktor të lartë mbrojtës.
– Marrja e sasive të mëdha të lëngjeve, mundësisht ujë të pijshëm të thjeshtë dhe shmangia e pijeve alkoolike. Në të njëjtën kohë, për të ngrënë sasi më e vogël e ushqimit, kryesisht fruta dhe perime, dhe më pak ushqime të yndyrshme.
– Kur hyni në një automjet, është e nevojshme të ventiloni atë për një periudhë të caktuar.
-Për shkak të temperaturave të larta dhe rritjes së mundësisë së helmimit nga ushqimi dhe sëmundjeve infektive të zorrëve, rekomandohet larja e detyrueshme e produkteve bujqësore dhe hortikulturës (perimeve dhe frutave të freskëta) para përdorimit të tyre, përgatitja termike e ushqimit dhe konsumimi i tij brenda një kohe shumë të shkurtër pas përgatitjes. dhe nëse kjo nuk bëhet, ushqimi i përgatitur në këtë mënyrë duhet të vendoset në frigorifer në +4 gradë Celsius dhe para përdorimit të ngrohet në +100 gradë. Rekomandohet të shmangni produktet që nuk janë trajtuar me nxehtësi.
-Të sëmurëve kronikë ju rekomandohet rregullisht të marrin terapinë e përshkruar, në konsultim me mjekët amë.
