Sot, Ministri i Shëndetësisë, Dr. Bekim Sali, bashkë drejtorin e Spitalit të Përgjithshëm të Tetovës – Dr. Amir Elezi, i lëshuan në përdorim dy aparate EHO, në vlerë prej 160.000 eurosh, që do të jenë në shërbim të këtij spitali dhe, natyrisht, për të mirën e përgjithshme të pacientëve të zonës së Pollogut. Në këtë mënyrë lehtësohet dukshëm puna e mjekëve, shkurtohet koha e pritjes dhe, përfundimisht, ngrihet cilësia e shëndetit. “Ashtu siç e kemi thënë gjithnjë, për ne mbi të gjitha është shëndeti i pacientëve dhe mirëqenia e tyre, andaj ndjehem mirë që kemi mundësi të ndihmojmë edhe në këtë mënyrë për shëndetin e tyre.”, ka shkruar me këtë rast ministri Sali në llogarinë e tij në FB.
