Gjatë 24 orëve të kaluara në Qendrat Covid në Shkup, janë pranuar 40 pacientë të rinj pozitivë dhe të dyshuar për virusin Covid – 19.Në klinikat interene gjithsej janë pranuar 10 pacientë, 6 pacientë janë pranuar në qendrën kovid të Klinikës së Sëmundjeve të Lëkurës dhe 4 pacientë u hospitalizuan në Institutin për Sëmundjet e Mushkërive dhe TBC.Në Klinikën për Sëmundje Infektive në 24 orët e fundit janë pranuar 20 pacientë , dhe 10 pacientë të rinj u pranuan në Qendrën Covid në Spitalin “8 Shtator”.
Qendrat raportuan 37 pacientë të rikuperuar të cilët u lëshuan në shtëpi.
Klinika e Dermatologjisë në Qendrën Covid aktualisht po trajton 30 pacientë, Klinika e Neurologjisë 25 pacientë dhe Instituti TBC gjithsej 54 pacientë me simptoma të koronavirusit.Në Spitalin ” 8 shtator” janë 79 pacientë të sëmur , 157 pacientë në Klinikën për Sëmundje Infektive, ndërsa në Institutin për Sëmundjet e Mushkërive në Fëmijët Kozle ka 41 pacientë, nga të cilët 14 fëmijë dhe 27 të rritur.
Gjithësej 347 pacientë të konfirmuar dhe të dyshuar për Covid- 19 po trajtohen në repartet e sëmundjeve infektive në spitalet në kryeqytet. Shumë prej tyre janë në mbështetje të oksigjenit.
Pavarësisht nga numri i madh i pranimeve, aktualisht ka vende të lira të mjaftueshme në Qendrat e Covidit në klinikat interne dhe pritet që gjatë ditës pas ekzaminimeve të pacientëve të rikuperuar, vendet shtesë do të lirohen në Klinikën e Sëmundjeve Infektive dhe Spitalin “8 Shtatori. Nga fundjava, pacientët do të fillojnë të pranohen edhe në Qendrat e reja Covid të Klinikës për Nefrologji dhe Klinikës për Gastroenterohepatologji.
