Java Evropiane e Imunizimit (EIW) promovon mesazhin themelor – imunizimi është i nevojshëm për të parandaluar sëmundjet dhe për të mbrojtur jetën.Vaksinimi njihet si një nga masat shëndetësore më të suksesshme dhe ekonomike në botë.
Vaksinimi shpëton miliona njerëz nga sëmundjet, paaftësit dhe vdekjet çdo vit.
Ka vaksina efektive dhe të sigurta, të cilat mbrojnë kundër sëmundjeve serioze, dhe shumë vaksina premtuese të reja janë duke u zhvilluar.
Vaksinimi krijon rezistencë të trupit ndaj sëmundjeve, parandalon rrezikun e sëmundjes dhe parandalon vdekshmërinë nga sëmundja. Parandalon paaftësinë dhe pasojat e tjera, kontribon në imunitetin kolektiv, por gjithashtu parandalon shpërthimin e sëmundjeve infektive. Ul koston e trajtimit-mjekimit, si dhe koston e pushimit mjekësor por më e rëndësishmja ajo siguron një gjenerim të shëndetshëm.
Ne vazhdimisht ndërmarrim aktivitete të shumta për përmirësimin e sistemit tashmë të suksesshëm të imunizimit në vend të implementuar nga shërbimet e imunizimit në Shtëpitë e Shëndetit.
Ne ofrojmë vaksina me kohë nga prodhuesit me famë botërore, të cilat duhet të plotësojnë kritere të rrepta të cilësisë. Ato janë të regjistruara në vend, të rikualifikuar nga Organizata Botërore e Shëndetësis (OBSH), e cila garanton më tej që vaksinat e përdorura janë të sigurta dhe efektive dhe duhet të pajisen me një çertifikatë cilësie të lëshuar nga prodhuesi dhe një çertifikatë nga një laborator referues për kontrollin e cilësisë nga OCML rrjeti .
Duke iu përmbajtur rreptësisht parimeve të mirëmbajtjes dhe kontrollit të zinxhirit të ftohtë në të gjitha nivelet – në furniyimin, transportin, ruajtjen dhe trajtimin e vaksinave dhe me angazhim maksimal për profesionistët e kujdesit shëndetësor që zbatojnë imunizimin, ne përpiqemi të arrijmë qëllimin e vendosur, pra arritjen e mbulimit mbi 95% në rangun kombëtar dhe rajonal, dhe mbi 90% në nivel lokal me të gjitha vaksinat.
Sipas vlerësimeve të OBSH-së, Ministria e Shëndetësisë prezantoi dy vaksina të reja, në Kalendarin e detyrueshëm të imunizimit të vitit 2019, një vaksinë për infeksionin rotavirus dhe vaksinat e infeksionit streptokokale pneumoniale.
Vaksinimi kundër rotavirusit mbron fëmijët nga diarreja e rëndë e shkaktuar nga këto shkaqe, e shoqëruar me temperatur, ethe dhe dehidrim, si dhe nga ndërlikimet e shkaktuara prej tyre.
Vaksinimi kundër pneumonisë streptokokale mbron fëmijët nga sëmundjet e shkaktuara nga kjo shkak, pra infeksionet e veshit, sinuset, pneumonia, por edhe komplikimet e rënda siç është inflamacioni i meninges (meningjiti).Me modernizimin e Kalendarit të imunizimit, krah për krah me vendet evropiane, ne kemi siguruar mbrojtje kundër 12 sëmundjeve infektive.
Janë zbatuar disa edukime dhe trajnime për profesionistët e kujdesit shëndetësor në bashkëpunim me OBSH dhe UNICEF-in.
Në lidhje me situatën e tanishme me koronavirus-in e ri dhe zbatimin e vazhdueshëm të imunizimit, që nga fillimi, Komisioni i Sëmundjeve Infektive dhe Komisioni i imunizimit miratuan një rekomandim që vaksinimi duhet të kryhet vazhdimisht, sipas Kalendarit të imunizimit.
Ky rekomandim vlen veçanërisht për të porsalindurit dhe parashkollorët. Sigurisht, sipas rekomandimeve për të mos grupuar popullsinë, për të shmangur prezencën e njëkohshme të një numri të madhë të njerëzve, brenda secilës shtëpi të shëndetit është bërë një vlerësim dhe kohë (orar) i caktuar i vaksinimit, d.m.th. ai është zbatuar në shtëpit e shçndetit me ftesë paraprake të fëmijëve dhe kohë(orar) të planifikuar .
Vitin e kaluar ne u përballëm me sukses me epideminë e fruthit, me të cilën që nga shpërthimi i rasteve të para në fund të vitit 2018 dhe çregjistrimi në fund të vitit 2019, numri i përgjithshëm i rasteve të regjistruara të fruthit në vend ishte 1.901 raste dhe për fat të keq kishim 4 që ndërruan jetë .
Me ndërmarrjen e masave intensive për të mbrojtur popullsinë nga epidemia, që nga fillimi deri në publikimin e së njëjtës, janë vaksinuar gjithsej 49.332.
Në shekullin XXI, çdo fëmijë ka të drejtë të jetojë pa sëmundje që mund të parandalohen nga vaksinimi, por këto sëmundje ende paraqesin kërcënime të mëdha për rajonin Evropian. Si rezultat, rritja e imunitetit mbetet një veprimtari kryesore.
