Ministri i Shëndetësisë, dr. Bekim Sali, sot mori pjesë në shënimin e ditës të patronatit të Spitalit të Specializuar për Mjekësi Geriatrike dhe Paliative „13 Nëntori“.
Me këtë rast, sot e promovuam hapësirën e re të rinovuar në këtë institucion, në të cilën do të funksionojnë ambulancat neurologjike dhe psikiatrike, kabineti i psikologjisë, si dhe kabineti i ri i EEG-së, ku për herë të parë pacientët do të mund të marrin shërbim të tillë në kuadër të kabineteve specialistike-konsultative të spitalit. – theksoi ministri Sali gjatë fjalimit të tij.
