Në seancën e sotme të 79-të, Qeveria pranoi rekomandimet e Komisionit për Sëmundjet Infektive dhe mori vendimet e mëposhtme, të cilat janë të vlefshme nga 16 qershori 2021 (e mërkurë)::
✅Ndërpritet masa dhe regjimi i posaçëm i lëvizjes së personave dhe transportit publik në territorin e Republikës së Maqedonisë së Veriut.
✅Hiqet kufizimi i orarit të punës në të gjithë objektet hotelerike, ndërsa gjatë orarit të punës lejohet puna vetëm në pjesët e hapura të lokaleve, përvec shërbimit të pijeve brenda kazinove dhe automat-klubeve.
✅Është e lejuar të mbahen ngjarje në ambiente të jashtme me 50% të kapacitetit të hapësirës dhe një numër të kufizuar të vizitorëve deri në maksimum 1000 vizitorë;
✅Lejohet të organizohen dasma, ahengje, ahengje në hapësira të hapura / tarraca verore me një maksimum prej 50% të shfrytëzimit të kapacitetit të pjesës së hapur, në vend të maksimumit të 100 të ftuarve siç ishte deri më tani;
✅Qeveria miratoi konkluzionin që të ndalohet të vlejë detyrimi që objekti hotelerik ku organizohet ahengu ta regjistrojë dhe ta paraqesë organizimin në Odën e Hotelierëve që udhëheq regjistrin e dasmave dhe ahengjeve të tjera.
