Sot, TOARKIQE kreu operacionin për artrozën e gjurit me ndryshime degjenerative për herë të parë me ndihmën e një roboti.
– Jam veçanërisht krenar për të gjithë ekipin që mori pjesë në vetë ndërhyrjen. Përveç kirurgëve, përdoret ndihma robotike, e cila kontribuon në një përqindje të madhe në suksesin e vetë procedurës dhe zvogëlon komplikimet e mundshme. Kjo lloj ndërhyrjeje, jo vetëm që kryhet për herë të parë në ortopedi,por për herë të parë edhe në shëndetësinë maqedonase në përgjithësi. Ndërhyrja është pjesë e bashkëpunimit bilateral mes Klinikës së Ortopedisë dhe Spitalit Ortopedik të Larisës, tha ministri i Shëndetësisë, Dr. Fatmir Mexhiti.
Drejtori i TOARKIQE, Dr. Aleksandar Trajanovski, theksoi se është gjithmonë sfidë të futet një metodë e re në trajtimin e pacientëve.- Pacientët tanë do të përfitojnë nga kjo dhe kjo është më e rëndësishmja për ne. Më vjen mirë që vitet e fundit e kemi ngritur në një nivel më të lartë ortopedinë me futjen e të gjitha këtyre risive në kirurgji dhe me përfshirjen në transplantim. Për mua si mjek dhe si drejtor kjo është një kënaqësi e veçantë, tha dr. Trajanovski në konferencën e sotshme të përbashkët për shtyp me rastin e një intervenimi të kryer me ndihmën e një roboti, i cili po kryhet për herë të parë në shëndetësinë publike.
