Gjatë ditës së djeshme, 10 mijë vaksina “Astra Zeneka” mbërritën në vend. Ato do të shpërndahen në pikat e vaksinimit në të gjithë vendin nga fillimi i javës së ardhshme dhe Qeveria Kroate ka marrë një vendim tjetër për të dhuruar edhe 20 mijë vaksina shtesë që do të jenë nga prodhuesi “Astra Zeneka” ose prodhuesi “Moderna”, i cili do të jetë praktikisht sasia e parë e kësaj vaksine që do të arrinte në vendin tonë, njoftoi sot Ministri i Shëndetësisë Venko Filipçe.
Në konferencën e përbashkët për shtyp me Ministrin Kroat të Punëve të Jashtme, Gordan Grliq, Filipçe informoi se ata diskutuan situatën epidemiologjike dhe masat, ndanë përvojat, pikëpamjet, parashikimet, planet për periudhën e ardhshme.
-Kroacia provoi të ishte një menaxher i mirë gjatë fillimit të krizës kur kryesoi BE-në, dhe kjo ishte gjysma e parë e vitit 2020 kur u aktivizuan shumë mekanizma dhe kur një sistem me të vërtetë heterogjen, për sa i përket sistemeve të ndryshme shëndetësore brenda BE-së duhej të përgjigjeshin unison. Në këtë kuptim, ne gjithashtu biseduam për atë se si mund të ishte situata në muajt e vjeshtës dhe natyrisht organizimin e të gjithë proceseve gjatë muajve të verës, tha Filipçe.
Ministri Radman theksoi se me dhurimin e sotëm të 10.000 dozave të vaksinave, Republika e Kroacisë shpreh vendosmëri dhe gatishmëri për ndihmë konkrete për fqinjët e saj më të afërt për të gjithë procesin e luftimit të koronavirusit për të qenë sa më i suksesshëm.
- Sidoqoftë, angazhimi ynë nuk mbaron këtu. Qeveria e Republikës së Kroacisë në seancën e djeshme mori vendimin për të dhuruar edhe 20 mijë doza shtesë të vaksinave në Maqedoninë e Veriut, tha Radman.
Sipas tij, zbatimi efektiv i vaksinimit është mënyra e vetme për të dalë nga pandemia me Covid-19, me nevojën për të ruajtur ekuilibrin e nevojshëm midis hapjes graduale të kufijve dhe shëndetit të qytetarëve.
