Ministria e Shëndetësisë informon publikun, se Klinika për Kardiokirurgji ka kryer transplantimin e tretë të zemrës në historinë e vendit tonë. Operacioni u krye në një grua 39-vjeçare me defekt të lindur në zemër, e cila kishte pritur për një dhurues për një kohë të gjatë. Bëhet fjalë për një operacion të vështirë, i cili zgjati 5 orë. Zemra e dhuruar është nga një pacient i vdekur familja e të cilit tregoi madhështinë dhe njerëzimin e tyre dhe vendosi të dhurojë një zemër dhe veshkat për të shpëtuar tre jetë. Ministri i Shëndetësisë, Dr. Venko Filipçe, Ministria e Shëndetësisë dhe i gjithë stafi mjekësor shprehin respektin dhe mirënjohjen e tyre të jashtëzakonshme për këtë gjest të njerëzimit.
Në Klinikën e Urologjisë, transplantimet e veshkave janë kryer në dy pacientë. Kirurgët, anesteziologët dhe personeli tjetër mjekësor nga klinikat shtetërore për Kardiokirurgji , Kardiologji, Urologji, Nefrologji, Instituti i Mjekësisë së Transfuzionit,nga Radiologjia ,nga KARKI dhe një ekip mjekësor nga Spitali Klinik “Zhan Mitrev” morën pjesë në transplantimin e organeve.
