Денеска на Клиниката за пластична хирургија во посета на повредените пациенти од пожарот во Кочани беа министерот за здравство, д-р Арбен Таравари заедно со претседателот на Владата, проф.д-р Христијан Мицкоски и претставници на кризниот штаб.
Здравствениот систем е целосно мобилизиран со сите расположливи ресурси и капацитети во третманот и грижата за повредените лица од трагичниот настан.
Состојбата на сите пациенти се следи континуирано и се спроведуваат конзилијарни одлуки за натамошниот третман.
