Министерот за здравство д-р Фатмир Меџити, денеска се обрати на панел дискусијата „Заеднички во спречување на антимикробната отпорност“ во организација на Здружението за одржлив развој БИОМ Скопје и мултисекторската комисија за контрола на антимикробна отпорност при Министерството за здравство и поддршка на Светската здравствена организација.
-Чест ми е да ве поздравам на оваа панел дискусија на која ќе се актуелизира прашањето за антимикробна резистенција (АМР) и нашата непоколеблива посветеност да ги здружиме напорите во спротивставувањето на оваа тивка, но сепак сериозна закана пред се по здравјето на граѓаните, која ја загрозува здравствената сигурност на локално и на глобално ниво. Денес мора да делуваме, ако сакаме утре да имаме лек! Антимикробната резистенција треба да ја решаваме сите заедно.
Основата на силните здравствени системи е клучна за спречување на ширењето на заразните болести и поттикнување на нивното искоренување. Областа на безбедна хирургија и третман на рак, зајакната со ефективни антибиотици се составен дел за управување со ризиците од инфекции.
И покрај сите напори, се соочуваме со вознемирувачки предизвик во форма на антимикробна отпорност, што ги загрозува чекорите што ги направивме во минатото со имплементирање на стратегијата за антимикробна отпорност. Овој отпор веќе го бара данокот од јавното здравје, што доведува до зголемена стапка на смртност, постојани инфекции и зголемување на трошоците за здравствена заштита.
Северна Македонија постигна напредок во ублажувањето на антимикробна резистенција. Аспектот „Едно здравје“ за превенција и контрола на АМР бара дополнителни интервенции. Колективната акција е императив за да се справиме со развојот и ширењето на антимикробната отпорност, не само меѓу луѓето, туку и кај животните и во секторот за производство на храна и во областа на животната средина. Овој холистички пристап, кој го опфаќа здравјето на луѓето, здравјето на животните, земјоделството и животната средина е познат како „Едно здравје“.
Свесни сме дека ни претстојат големи предизвици, како и секаде во светот, но важно за нас е да се движиме во вистинска носока, дури и со мали чекори некогаш. Ве повикувам сите со заедничките напори да се бориме против оваа таканаречена тивка треска со спречување на несоодветната употреба на антибиотици и да се справиме со антимикробната резистенција, посочи во своето обраќање министерот Меџити.
