Министерството за здравство купи најсофистицирани и најсовремени апарати за Клиниката за урологија за хируршки зафати за пациенти. Со помош на оваа најиновативна опрема, заедно со стручноста и експертизата на здравствените работници, Клиниката за урологија го обезбедува третманот со најдобри резултати на пациентите кои имаат потреба од лекување на оваа клиника.
Станува збор за CR рендген, лапараскопски стол и ласер Тулиум, кои се всушност последниот крик во медицината во областа на хирургијата, а веќе составен дел од операционите сали на Клиниката за урологија.
Попладнево министерот за здравство д-р Венко Филипче ги посети неговите колеги на Универзитетската клиника за урологија, на тимот предводен од д-р Сашо Дохчев и му посака уште многу успешни операции.
-Нашата грижа за пациентите продолжува. Пациентите заслужуваат здравствен систем по европски терк и наша цел е во целост да го спроведеме тоа, кажа министерот Филипче на неформалната средба.
