Во Општа болница Куманово се отвори Центар за упатување жртви на сексуално насилство. Истовремено, вакви центри ќе функционираат и во Клиничка болница Тетово и во Универзитетската клиника за гинекологија и акушерство во Скопје.
Отворањето на центрите за упатување на жртвите на сексуално насилство е поддржано од Владата на Република Македонија, Обединетите нации (агенциите УНДП и УНФПА), како и од здружението на граѓани ХЕРА.
Центрите за упатување на жртви на сексуално насилство се отвораат по ратификација на Истанбулската конвенција и истите се стандардни и предвидени во самата конвенција.
