НОВ МОБИЛЕН МАМОГРАФ ИНСТАЛИРАН ВО ЗДРАВСТВЕН ДОМ НЕГОТИНО, ОБЕЗБЕДЕН СО ДОНАЦИЈА ОД ВЛАДАТА НА Р. БУГАРИЈА

Министерот за здравство, Беким Сали, заедно со амбасадорот на Р. Бугарија во земјава, Ангел Ангелов  денеска присуствуваа на примопредавање на нов мобилен мамограф, чија вредност изнесува 140 илјади евра.

-Со ставањето во функција на мобилниот мамограф ја приближуваме оваа дијагностичка процедура до жените и во помалите населени места, бидејќи навременото дијагностицирање канцер на дојка спасува живот. Воедно преземаме активности за намалување на времето на чекање за прегледи и воведување дополнителни термини за мамографија и ехо на дојка. Зедно со докторите, здравствените установи и невладиниот сектор и во наредниот период продолжуваме со систематско решавање на пристапот до нова иновативна терапија која може да спаси живот на многу пациентки, посочи министерот Сали.

Предноста на овој мамограф е што е пренослив и согласно потребите ќе биде ставен на располагање за жените и од други помали населени места.

Сподели на:

Related Posts