На денешната средба на министерот за здравство, д-р Фатмир Меџити, со шефицата на канцеларија за Фондот на население на Обединетите нации-УНФПА, Афродита Шаља се разви дискусија во поглед на продлабочување на тековната соработка.
Во фокусот на оваа средба беше соработката на повеќе полиња, како што се: мајчино здравје, планирање на семејство, рак на грлото на матката и Програмата за скрининг за рак на грлото на матката.
УНФПА ја поддржува имплементацијата на мастер планот за перинатална нега, со фокус на градење на капацитетите на гинеколозите и акушерите/ките во ефективната перинатална нега. Првичните достигнувања на полето на здравствените резултати на мајките и новороденчињата постигнати пред пандемијата со Ковид-19 беа резултат на заеднички напори и инвестиции, а соработка продолжува, како на ниво на политики и на ниво на испорака на услуги.
