ОРГАНИЗИРАН СКРИНИНГ ЗА РАНА ДЕТЕКЦИЈА НА РАК НА ГРЛО НА МАТКА ЗА ЖЕНИ ОД 36 ДО 45 ГОДИНИ – ЗАКАЖУВАЊЕ ПРЕГЛЕД НА SKRINING.MK

Со организиран скрининг за рана детекција на рак на грло на матка оваа година се опфатени жените на возраст од 36 до 45 години, кои во последните три години немаат направено ПАП тест. Во рамки на скринингот, кој почна од април, годинава, преку националниот систем за електронско здравство, досега две илјади жени се пријавиле за скрининг во изминатите три месеци. 

Министерството за здравство, преку низа активности оваа година ја посветува на унапредување на женското здравје и за таа цел е изработен и посебен модул за електронско пријавување пациентки за зголемување на опфатот на жени и приближување на оваа здравствена услуга до женската популација. 

Апел до сите жени да прават редовни гинеколошки прегледи – овој тип карцином може да се превенира и доколку се открие во почетна фаза може да се излекува. 

Закажувањето преглед со ПАП тест е преку веб платформата: skrining.mk

Сподели на:

Related Posts