Министерот за здравство, д-р Венко Филипче, денеска се сретна со регионалната директорка на Светската здравствена организација за Европа, Сузана Јакаб.
На средбата стана збор за зајакнување на здравствениот систем, интегрирање на справувањето со незаразните болести во системот за примарна здравстена заштита, како и здравствената заштита на новороденчињата и мајките. Воедно, се разговараше и за целите за одржлив развој, областа на имунизација и зајакнување на човечките ресурси во здравствениот систем. 
